Ministria e Çështjeve Islame ka marrë iniciativën për të ofruar Wi-Fi falas për haxhinjtë në Mekë. Pelegrinët e Haxhit tani mund të përdorin këtë Wi-Fi për të marrë përgjigjen e pyetjeve të tyre për Haxhin.
Pelegrinët mund të kenë akses në koleksionin e madh të materialeve ligjore dhe shkencore nga Biblioteka Islame në internet përmes WiFi falas. Interneti në këto zona është siguruar falë një nisme të re nga Ministria e Çështjeve Islame, Davet dhe Udhëzimit në Rajonin e Mekës. Shërbimi ofrohet në xhamitë Al-Tanaim dhe Al-Hal, si dhe në miqat Qarn Al-Manazil dhe Wadi Muharrem.
Ky Wi-Fi falas është pjesë e planit të Haxhit të Ministrisë për vitin 1445 hixhri, që synon të ndihmojë pelegrinët të kenë akses në shërbimet moderne të teknologjisë dhe platformat dixhitale. Me internetin me shpejtësi të lartë, pelegrinët mund të shfletojnë dhe shkarkojnë shërbimet elektronike të Ministrisë direkt në pajisjet e tyre inteligjente.
Një nga përfitimet kryesore është aksesi në koleksionin e gjerë të Bibliotekës Islame, i cili përfshin 3,000 materiale ligjore dhe shkencore në mbi 45 gjuhë. Kjo e bën më të lehtë për pelegrinët të kryejnë ritualet e tyre me informacionin e duhur në dorë.
Për më tepër, pelegrinët mund të marrin përgjigje për pyetjet e tyre në lidhje me Haxhin dhe të shikojnë video sensibilizuese dhe udhëzuese të prodhuara nga Ministria, të gjitha përmes këtij shërbimi falas.
